Darbrew yapata tuzo ya uboreshaji vinywaji vya asili kutoka SABMiller | LUKAZA BLOG

Darbrew yapata tuzo ya uboreshaji vinywaji vya asili kutoka SABMiller

  Wafanyakazi katika picha ya pamoja   Wafanyakazi wakifuatilia matukio   Maofisa waandamizi wa kampuni wakati wa sherehe hiyo ...

 Wafanyakazi katika picha ya pamoja
 Wafanyakazi wakifuatilia matukio
 Maofisa waandamizi wa kampuni wakati wa sherehe hiyo
 Mkurugenzi wa kampuni ya  Darbrew Limited inayotengeneza Chibuku,David Cason  akiongea na wafanyakazi wakati ya hafla ya kusherehekea kushinda  tuzo ya uendelezaji vinywaji vya asili kutoka SABMiller  iliyofanyika kiwandani hapo jana
 Wafanyakazi katika picha ya pamoja
Mkurugenzi na wafanyakazi wakifurahia tuzo
Kampuni ya Darbrew inayotengeneza pombe ya Chibuku imetunukiwa  tuzo kutoka SABMiller  ya uendelezaji vinywaji vya asili nchini katika kongamano la masoko la viwanda  lililofanyika mjini Cape Town nchini Afrika ya Kusini.
Darbrew iliyopo chini ya TBL Group iliibuka kidedea baada ya kushindanishwa na viwanda vinavyotengeneza vinywaji vya kienyeji vilivyopo chini ya SABMiller vilivyopo katika nchi za Botswana,Malawi na Uganda.
Akitangaza mafanikio hayo katika hafla iliyofanyika jijini Dar es Salaam jana,Mkurugenzi Mkuu wa Darbrew, David Cason alisema kuwa tuzo hiyo ni mafanikio makubwa kwa kampuni na aliwapongeza wafanyakazi wote kwa kujituma na kuhakikisha yanapatikana mafanikio siku hadi siku.
“Tuzo hii sio ya mtu mmoja imepatikana kutokana na mchango wa kila mfanyakazi wa DarBrew na inabidi kuongeza bidii zaidi katika kazi ili mafanikio zaidi yapatikane na kampuni izidi kusonga mbele na kuwa miongoni mwa makampuni makubwa ya vinywaji katika ukanda huu wa Afrika Mashariki”.Alisema Cason.
Alisema hatua ya kampuni kushindanishwa na viwanda vikubwa na kuibuka na tuzo ni jambo la kujivunia kila mfanyakazi  na aliwashukuru mawakala na wateja wote wa Chibuku kwa kuunga mkono biashara ya kampuni.
Kwa upande wake Meneja wa Mauzo wa DarBrew,Freddy Kazindongo alisema aliwapongeza wafanyakazi na kuwashukuru wateja kwa mafanikio yaliyopatikana na kuongeza kuwa kampuni imejizatiti kuongeza zaidi ubora wa huduma za uzalishaji na usambazaji na kuhakikisha kinywaji cha Chibuku kinawafikia wananchi popote walipo na wanakipata kulingana na kila mtu na uwezo wake .
Katika kuthibitisha hilo alisema wiki hii kampuni imezindua chibuku super ya mililita 750 ambayo itawawezesha wateja kupata  kinywaji  hicho kwa gharama nafuu.
Kazindogo alisema mkakati wa kampuni ni kuhakikisha  urasimishaji wa pombe za kienyeji unafanikiwa ambapo wananchi wataweza kupata kinywaji cha asili katika mazingira bora ya usafi wakati huohuo wakikinunua wanachanga pato la serikali kwa njia ya kodi kitu ambacho hakipo kwa pombe nyingine za asili.

Pia alisema kuwa kampuni itazidi kupanua wigo wa ajira za moja kwa moja na zisizo za moja kwa moja ambazo zinawawezesha mawakala wakubwa na wadogo na akina mama wanaouza pombe za asili kujipatia mapato ya uendesha maisha vilevile kupunguza uharibifu wa mazingira kutokana na akina mama waliokuwa wanapika pombe za asili kwa kutumia kuni na mkaa watakuwa wanauza pombe ambayo tayari imetengenezwa badala ya kutumia muda mwingi kutengeneza pombe.

Related

Biashara 3948239453307701083

Post a Comment Default Comments

Tafadhari Maoni Yenye Matusi Hayatakuwa Publish Tutoe Maoni Bila Kuumiza Wala Kujeruhi Hisia Za Mtu.....@(Sponsored By Lukaza Blog)

emo-but-icon

SEDUCE ME BY ALI KIBA

TMT 2016.FILAMU NDIO SISI

Winner ABA 2015

BOOK ME - YOUR JOB NEEDS ME

All Recent Posts

>

Connect Us

item