Pata elimu kuhusiana na siku zako za Hedhi..Jifunze hapa bure | LUKAZA BLOG

Pata elimu kuhusiana na siku zako za Hedhi..Jifunze hapa bure

MZUNGUKO WA HEDHI ( WHEEL OF FORTUNE) Katika mizunguko yangu ya kutoa ushauri wa afya kwenye mahusiano nimekutana na watu wengi amb...


MZUNGUKO WA HEDHI (WHEEL OF FORTUNE)


Katika mizunguko yangu ya kutoa ushauri wa afya kwenye mahusiano nimekutana na watu wengi ambao ninagundua ya kwamba hawajui kuhesabu siku zao za hedhi au hawajui mzunguko wao ni wa siku ngapi. Wanaume wengi ndio hawajui kabisa. Hivyo Health Point imeamua kuandika japo kidogo kuhusu uhesabuji wa siku za hedhi.

BAADHI YA SABABU ZINAZOPELEKEA WANAWAKE NA VIJANA WA LEO KUTOKUJUA KUHESABU SIKU ZAO ZA HEDHI.

1- Kupotea kwa elimu ya jando katika makabila yetu
2- Kupotea kwa elimu ya afya katika mashule na nyumba za kuabudia
3- Kuwa na familia za kisasa zisizojali maisha ya kiasili ya kifamilia na kujali zaidi maisha ya kisasa
4- Tabia mbaya kwa vijana kama vile ulevi, usagaji na ndoa za jinsia moja
5- Upatikanaji hovyo wa dawa za kuzuia mimba
6- Uvivu na uzembe wa kutokutaka kujifunza
7- Elimu isiyotolewa kwa mpangalio katika vyombo vya habari na katika mitandao

Kwa nini ni muhumi sasa uwe na uelewa mzuri wa wa Mzunguko wa Hedhi ?

1- Ili ujue siku zipi ni muhimu kwa ajili ya kupata mtoto
2- Ili ujue namna ya kuzuia kupata mimba zisizotarajiwa

JE UNAANZIA WAPI KUHESABU SIKU YA KWANZA YA MZUNGUKO WAKO?

Mzunguko wa kawaida wa hedhi ni siku 28 – 32. Kama zitakuwa chini ya siku 28 hadi 24 basi huo ni mzunguko mfupi na kama zitakuwa zaidi ya 32 -35 huo ni mzunguko mrefu. Ili kujua mzunguko wako ni mrefu au ni mfupi ni LAZIMA upate wastani wa mizunguko yako ya hedhi ya miezi mitatu 
Namna ya kuhesabu
1- Anza kuhesabu mzunguko wa hedhi yako kuanzia siku ya kwanza umepata hedhi yako
2- Na kisha malizia na siku moja kabla ya kupata hedhi nyingine ya mwezi mwingine.
3- Mfano umepata hedhi leo tarehe 8 basi nenda katika kalenda yako andika siku ya kwanza, kisha subiria mpaka unapopata hedhi nyingine, kama utapata hedhi nyingine tarehe 06 mwezi wa saba mana yake mzunguko wako wa hedhi umeisha tarehe 05 mwezi wa 7 na ni mzunguko wa siku 28
4- Baada ya hapo tafuta wastani wa mzunguko wako kwa miezi yako mitatu yaani mwezi wa 6-7, mwezi wa 7-8 na mwezi wa 8-9.

MAKUNDI MATATU YA SIKU ZA ZAKO NDANI YA MWEZI

Ili tuelewane vizuri tutatumia mzunguko wa wastani wa siku 28 ambao umegawanyika katika makundi matatu – Siku za hedhi – Siku Kupata Mimba – Na Siku Zisizokuwa za Kupata Mimba.
1- Siku yako ya kwanza ya mzunguko wako wa mwezi ndio siku ya kwanza ya hedhi
Siku za hedhi au SIKU ZA DAMU katika mzunguko wa siku 28 huwa ni 4-5. Hesabu kuanzia siku ya kwanza umepata hedhi mpaka siku ya mwisho ya kutokwa damu. Zinakuwa siku 4 hadi siku 5 lakini zinaweza badilika. 
2- Baada ya kumaliza siku 4-5 za damu, siku ya 6 hadi 10 NI SIKU AMBAZO kupata mimba NI VIGUMU, ingawa inaweza kutokea ukapata ujauzito.
Pia siku ya 19 hadi siku ya 28 ni siku ambazo sio rahisi au tuseme kwa ujumla haiwezekani kupata ujauzito
3- Siku ya 11 hadi ya 18 ni siku zenye UWEZEKANO MKUBWA wa kupata mimba. Katika siku hizi kama wewe unatafuta mtoto na huna matatizo yeyote ya kiafya basi inafaa kuongeza bidii katika tendo la ndoa ili kuongeza uwezekano wa kupata ujauzito

NINI HUTOKEA KATIKA MZUNGUKO HUU?

Kawaida ukipata hedhi basi jua ya kwamba yai lako liliokuwa limekomaa limekosa mbegu ya kiume hivyo ule ukuta uliokuwa umejengwa na damu kwa ajili ya kupokea mtoto na kumkuza umebomoka…. Baada ya hapo mwili unaanza kuandaa yai lingine la mwezi unaofuata.

NOTE 1 – Tangu yai kutoka katika mfuko wake linaweza kukaa masaa 12 hadi siku 2 likiwa bado linauwezekano wa kurutubishwa na mbegu ya kiume na kuanza kuunda mtoto. 

NOTE 2 – Mbegu za kiume zinaweza kaa siku 3 hadi siku 7 zikiwa na uwezo wa kurutubisha yai la uzazi.

NOTE #1 na NOTE #2 ni muhimu kuzifahamu ili ujue ya kwamba unaweza kosea masaa kadhaa na ukakosa kupata mimba hata kama huna matatizo yeyote ya kiafya au matatizo ya mzunguko wa hedhi. Ndio mana unatakiwa uwe na bidii sana katika tendo la ndoa kuanzia siku ya 11 hadi ya siku ya 18. Na hapa swala la urijali wa mwanaume ni muhimu pia kwa kuwa kama mwanaume utakuwa na mbegu hafifu zisizokuwa na mbio, mbegu chache, mbegu zenye kukaa muda mfupi na ambazo hazijakomaa vizuri basi ni rahisi sana kuyakosa masaa hayo ya uhai wa yai yaani masaa 12 hadi siku 2. 

KWA NINI SIKU ZA HEDHI HUBADILIKA BADILIKA. 

Katika maisha ya sasa ni rahisi sana siku za hedhi kubadilika kwa sababu mbalimbali lakini sababu kuu ni hali ya hewa (mabadiliko ya nchi au kusafiri), magonjwa na dawa kali za magonjwa, kuvurugika kwa homoni, msongo wa mawazo na unene uliopitiliza. Sababu zingine ni pamoja na hizi:
- Historia ya kutumia madawa makali ya uzazi wa mpango
- Ulevi, uvutaji sigara na madawa ya kulevya

USHAURI KUTOKA HEALTH POINT

1- Kumbuka ya kwamba unaweza kukosa kushika mimba kwa muda hata wa miezi sita lakini wewe na mwenzio mkawa wazima wa afya. KUPATA UHAKIKA LAZIMA UPIME.
2- PUNGUZA UNENE: Kama wewe ni mnene na una matatizo ya hedhi, Ukifanikiwa kupunguza uzito, utakuwa umemaliza asilimia kubwa ya matatizo ya hedhi.
3- Acha kabisa kutumia perfume, vipodozi na madawa ya kuongeza maumbile.

Related

Hot Stories 535737126972225819

Post a Comment Default Comments

Tafadhari Maoni Yenye Matusi Hayatakuwa Publish Tutoe Maoni Bila Kuumiza Wala Kujeruhi Hisia Za Mtu.....@(Sponsored By Lukaza Blog)

emo-but-icon

SEDUCE ME BY ALI KIBA

TMT 2016.FILAMU NDIO SISI

Winner ABA 2015

BOOK ME - YOUR JOB NEEDS ME

All Recent Posts

>

Connect Us

item